Водачот на мексиканскиот картел Хелиско Немесио Осегера Сервантес „Ел Менчо“ беше погребан во златен ковчег, со големи цветни венци, на гробиштата во Гвадалахара, во присуство на голем број припадници на војската.
Според извештаите, погребната поворка била придружувана од музичари и неколку десетици луѓе, од кои многумина носеле црни чадори иако бил сончев ден, објавува ABC News.
Канцеларијата на државниот обвинител претходно одби да ја потврди локацијата на погребот на Ел Менчо од „безбедносни причини“, а од недела, безбедносните мерки околу погребалниот дом наводно биле засилени.
Ел Менчо беше убиен од мексиканската армија пред нешто повеќе од една недела за време на обидот да го уапси, а неговото убиство предизвика насилство во околу 20 држави во кои беа убиени повеќе од 70 лица.
Мексиканската влада соопшти дека безбедносните операции против други високи членови на картелот продолжуваат.
Според извештаите, во Мексико е вообичаено мистериозна атмосфера да ги опкружува погребите на нарко-босовите, а во рок од неколку часа по смртта на Ел Менчо, веќе беа напишани балади, познати како наркокоридос, за неговото убиство.
Во соседната мексиканска држава Синалоа, дом на картелот со исто име, има гробишта познати по своите луксузни крипти и мавзолеи за поранешни началници на полицијата како што е Игнасио Коронел, стар соработник на Ел Менчо, како и нарко-бос познат по тоа што бил убиен двапати – во 2010 и 2014 година – Назарио Морено, водачот на насилниот и псевдо-религиозен картел „Витези Темплари“.
Исто така, се додава дека понекогаш телата на убиените нарко-босови исчезнуваат, како Хериберт Лазкан, водачот на Зетас, чие тело било украдено во 2012 година, или умираат под бизарни околности, како Амадо Кариљо Фуентес, „Господарот на небото“, кој починал за време на лошо извршена пластична операција.