Jungle Gym Куманово го лансираше новиот „Jungle 20KG Challenge“, предизвик кој им овозможува на граѓаните истовремено да работат на своето здравје и да заработат пари.
За секој симнат килограм, учесниците добиваат по 10 евра, а максималната награда изнесува 200 евра за 20 успешно симнати килограми во рок од три месеци.
Од фитнес центарот истакнуваат дека овој концепт е создаден за да ги мотивира сите што сакаат промена, подобрување на здравствената состојба и трансформација на телото.
„Ова не е само фитнес предизвик, туку вистинска можност да го трансформираш телото, да си докажеш што можеш и буквално да наплатиш за секој килограм што ќе го симнеш“, велат од Jungle Gym.
Од теретаната порачуваат дека веруваат дека секој што работи на себе – заслужува награда, па затоа овој предизвик го воведуваат како дополнителна мотивација за сите што сакаат позитивна промена.
Предизвикот е наменет за сите кои се подготвени активно да тренираат и целиот процес на слабеење да го спроведат исклучиво во теретаната Jungle Gym. Надворешни мерења и резултати не се признаваат.
Jungle Gym се наоѓа на ул. Доне Божинов бр. 24 во Куманово.
Никола Ивановски