Рускиот претседател Владимир Путин беше понижен кога 11-годишно девојче му се спротивстави затоа што нејзиниот вујко, кој бил ранет во војната, бил вратен да се бори без соодветен третман.
Доста често болните и повредените од руските сили се принудени да одат во напаѓачки бригади без соодветен третман.
Но, рускиот диктатор ретко се соочува со суровоста на своите сили, кои служат како топовско месо.
Малата Кира веќе го загубила својот татко во војната, кој загинал борејќи се на бојното поле во регионот Донецк минатата година.
Тој беше награден со Орден за храброст.
Таа ја искористи можноста на Црвениот плоштад во Москва, кога Путин поминуваше, да моли за помош за да го спаси својот ранет вујко од пеколот на војната.
Таа му даде играчка
„Мојот вујко сега е на фронтот. Тој беше ранет во раката и заврши во болница“, му рекла таа на Путин опкружена со верски водачи, објавува Дејли Меил.
Таа без извинување му рекла: „Воопшто не го лекуваат, а сега го враќаат во борбите“.
Таа изразила желба да го префрли во добра болница во Русија, на што Путин нелагодно одговорил: „Секако ќе го најдеме, во ред?“.
За да се случи тоа, малото девојче му кажало дека името на нејзиниот вујко е Антон Фисјура.
Потоа Путин ја бакна во главата и продолжил понатаму.
Девојчето му дало Чебурашка, играчка од советската ера со огромни тркалезни уши што самата ја направила.
„Направив играчка за мојот вујко Антон, Вања и чичко Јура кои сега ја бранат татковината. Тие сигурно ќе им донесат среќа“, му рекла таа.
Сепак, тој не ветил дека ќе го извади од фронтовската линија, па останува да се види дали Путин ќе ги услиши нејзините молитви.
Освен ранетиот вујко, девојчето има и други членови на семејството кои се борат во војната.
Brave girl,11, confronts PUTIN after her uncle was injured in war with Ukraine but sent back to the “front row”. pic.twitter.com/GuC0zud3zX
— DAILY POST 🇳🇬 (@dailypost_ng) November 7, 2025