Емирот на Катар, Тамим бин Хамад ал-Тани, денес го обвини Израел дека продолжува да го крши договорот за прекин на огнот во Појасот Газа по серијата напади извршени од неговата армија на палестинските територии.
„Повторно ги осудуваме сите израелски прекршувања и практики во Палестина, особено претворањето на Појасот Газа во област несоодветна за човечки живот и континуираните прекршувања на прекинот на огнот“, рече тој во своето годишно обраќање пред Законодавниот совет во Доха.
Катар е една од клучните земји во преговорите меѓу Израел и милитантното палестинско движење Хамас, чии претставници не преговараат со Ерусалим лично, туку преку нивните посредници од Доха и Каиро.
Емирот минатата недела изјави дека Израел се обидел да ги наруши преговорите за примирје со бомбардирање на зграда во Доха за да убие претставници на Хамас, но не успеал.
Ал-Тани потоа изјави дека израелскиот премиер Бенјамин Нетанјаху „сонува арапскиот регион да стане сфера на влијание на Израел“, што, според него, е „опасна илузија“.