Најмалку седум лица починаа, а тројца се лекуваат од труење во Ленинградската област во северозападна Русија по консумирање нелегален алкохол, објави руското Министерство за внатрешни работи.
Жител на градот Гостица, во близина на естонската граница, е уапсен под сомнение дека продавал алкохол на своите сограѓани, објави портпаролот на Министерството за внатрешни работи.
Според извештаите на „Телеграм“, 12 лица починале, а сопругата на шверцер на алкохол била примена во болница во тешка состојба откако самата го пробала производот на својот сопруг.
Русија ги заостри контролите врз производството и продажбата на алкохол откако 77 лица починаа во Сибир по пиење домашен алкохол во 2016 година.
Експертите од индустријата за пијалоци велат дека зголемувањето на малопродажните цени на алкохолот и зголемувањето на регионалните ограничувања за неговата продажба ги навеле луѓето да се свртат кон пијалоци од домашно производство, со понекогаш смртоносни последици.