Државната посета на Доналд и Меланија Трамп на Велика Британија досега помина непречено, но драмата се случи кога тие мораа да направат неочекувано принудно слетување за време на летот.
По празничните моменти во Велика Британија, каде што Доналд и Меланија Трамп уживаа во празничен банкет и учествуваа на политички состаноци, нивната посета заврши на драматичен начин.
Непосредно пред враќањето во Вашингтон, американскиот претседателски пар доживеа застрашувачки инцидент во воздухот!
Имено, хеликоптерот „Марин Уан“, кој се враќаше од имотот на британскиот премиер Кир Стармер кон аеродромот Станстед, одеднаш се соочи со хидрауличен проблем, што го принуди да слета.
Како што потврди Белата куќа, „Марин Уан“ направи итно слетување на аеродромот Лутон како мерка на претпазливост, додека претседателот беше со неговата сопруга.
Брза помош и засилени полициски сили набрзо пристигнаа на пистата, а сцените снимени од фоторепортерите на „Дејли меил“ јасно ја покажуваат сериозноста на ситуацијата.
Потоа Трампови беа префрлени во резервен хеликоптер, „Марин ту“, кој безбедно ги транспортираше до Станстед, каде што ги чекаше „Ер Форс уан“.
Според извештаите, доцнењето било само околу дваесет минути, а никој не бил повреден.
Белата куќа дополнително нагласи дека претседателот и првата дама „безбедно“ го продолжиле своето патување кон американската престолнина.