Агенцијата на САД за меѓународен развој (УСАИД) официјално е во фаза на затворање, а одговорноста за нејзиното затворање е предадена на директорот на Канцеларијата за управување и буџет, Рас Воут, изјави државниот секретар на Соединетите Американски Држави, Марко Рубио.
Вот ќе го надгледува финализирањето на укинувањето на УСАИД, додека помал број клучни програми ќе бидат префрлени на Стејт департментот, рече Рубио во објава на социјалната мрежа X.
„Со преместувањето на помалку основни програми во Стејт департментот, УСАИД официјално е во фаза на затворање. Рас сега ја презема одговорноста за надгледување на затворањето на агенција која одамна е надвор од колосек. Честитки Рас“, рече Рубио, според Танјуг.
Оваа одлука, според Блумберг, дојде откако Трамп ги откажа програмите за странска помош во вредност од речиси пет милијарди долари, вклучувајќи ги и средствата наменети за УСАИД, агенција која Трамп и неговата администрација ја критикуваа за расипнички деловни и политички грешки.
Иако 1 јули го означи последниот ден од работата на УСАИД, администрацијата на Трамп се соочува со тужби од поранешни вработени и невладини организации.