Околу 130 хектари повшина, претежно сува трева, нискостеблести дрвја и грмушки изгореле вчера во пожаро во селото Руѓинце.
Како што информираат од Територијалната противпожарна единица Старо Нагоричане вчера по повик започнала интервенцијата во 10:00 часот, при што огнот го изгаснале за околу еден час.
Но, веќе во 11:30 часот добиле уште еден повик дека огнот повторно се разгорува и се упатиле на терен најпрвин со едно возило и двајца пожарникари.
Поради интензитетот на пожарот, на терен подоцна се упатило уште едно возило со четворица пожарникари, општински џип со дополнителни тројца пожарникари, а на испомош дошле и четворица пожарникари од Кратово и двајца од Ранковце со по едно возило. На терен помагал и еден пожарникар на ТППЕ Куманово за дотур на вода.
Пожарот конечно бил изгаснат околу 19 часот, но успеал да пеплоса површина од околу 130 хектари.
Пожар вчера имало и во селото Бељаковце, каде исто така гореле мешана шума и сува трева. Таму интервенирале двајца пожарникари на ТППЕ Куманово во период од 16:15 до 18.50 часот.
Никола Ивановски / фото: ТППЕ Старо Нагоричане