Јужна Кореја утре ќе одржи предвремени претседателски избори откако актуелниот претседател Џун Сук-јеол беше соборен во април под обвинение за бунт поради кратко воведување воена состојба во земјата во декември.
Шест кандидати учествуваат на претседателските избори, вклучувајќи го кандидатот на опозициската Демократска партија Ли Џе-мјунг и кандидатот на владејачката Партија на народната моќ (ППП) Ким Мун-су, објави Ројтерс.
Кон средината на ноември, Ли беше осуден на една година затвор, условно на две години, за кршење на изборниот закон, а тој поднесе жалба на казната.
Според резултатите од најновите анкети, Ли води со 49,2 проценти, по него следува Ким со 36,8 проценти од гласовите.
Според анкетите, Ли Џун-сеок од Новата реформска партија е на третото место со поддршка од 10,3 проценти.
Претседателот се избира за петгодишен мандат.
Полицијата соопшти дека околу 6.400 вооружени полицајци ќе ги чуваат гласачките кутии за време на претседателските избори.
Уставниот суд донесе одлука за конечно отстранување на Џун од функцијата на 8 април, а владата го одреди 3 јуни како датум за одржување вонредни претседателски избори.