Силна бура што ги зафати Минесота, Висконсин, Илиноис и Мичиген предизвика можност за торнада, соборени дрвја и далноводи, а поројните дождови го прекинаа концертот на пејачката Бијонсе во Чикаго.
Иако не се пријавени смртни случаи или сериозни повреди, бурата предизвика проблеми во неколку држави, пишува NBC news.
Во Чикаго, концертот на отворено, кој се одржа на стадионот „Солдер Филд“, мораше да се одложи поради временските услови.
Видеата од настанот покажуваат обилни дождови, додека Националната метеоролошка служба предупреди на можноста за налети на ветер до 128 километри на час.
Во четврток, речиси 400.000 домови и бизниси останаа без струја во Висконсин, Илиноис, Индијана и Мичиген, а најголем број клиенти без струја е забележан во Мичиген, каде што околу 181.000 луѓе беа без струја.
Имаше 12 пријави за потенцијални торнада во регионот, претежно во Висконсин, а метеоролошките тимови подоцна ќе потврдат дали навистина имало торнада.
Во областа Медисон во Висконсин, пријавени се градови со големина на јајце, кои се со дијаметар од околу два сантиметри.
Метеоролозите предвидуваат дека дополнителни бури би можеле да го зафатат регионот ова попладне, вклучувајќи ги Мисисипи, Тенеси и Охајо.
Се очекуваат силни ветрови, град, штети на инфраструктурата и можни торнада.