Loading...
Предмет за кој се сомнева дека е неексплодирана бомба од Втората светска војна е пронајден на кампусот на Универзитетот во Хирошима, соопшти локалната полиција.
Објектот, долг околу 90 сантиметри и со дијаметар од 25 сантиметри, е откриен утрово околу 10:20 часот на градилиштето на кампусот Касуми во округот Минами, објави „Кјодо“.
Го пронашле работници за време на ископувањата како дел од уривањето на зградата на Фармацевтскиот факултет.
Пристапот до локацијата е ограничен, а сите попладневни часови се откажани.
На местото на настанот беа повикани сили за самоодбрана за безбедно отстранување на предметот.
Кампусот се наоѓа околу 1,8 километри јужно од Централната станица Хирошима.