Дваесет и двегодишник од Липково, бил приведен вчера поради тоа што управувал БМВ со брзина од 96 километри на час, на место каде било дозволено 40.
– На 15.04.2025 во 16.25 часот, полициски службеници од Полициската станица за безбедност на патниот сообраќај при СВР Куманово го лишиле од слобода Л.И.(22) од село Липково, информираат од Министерството за внатрешни работи.
Како што појаснуваат од полицијата, при контрола на патниот сообраќај било констатирано дека управувал патничко возило „бмв“ со брзина од 96 километри на час во населено место каде што дозволената брзина е 40 километри на час.
– По целосно документирање на случајот, против него ќе биде поднесена кривична пријава по член 297А од Кривичниот законик – „безобѕирно управување со моторно возило“, велат од МВР.
Никола Ивановски