Американската технолошка компанија Apple загуби речиси 640 милијарди долари од пазарната вредност за три дена тргување на берзите бидејќи најавата за трговска војна меѓу САД и Кина ги разниша нејзините акции, кои паднаа за вкупно 19 отсто.
Apple е многу ранлив на трговскиот конфликт меѓу Вашингтон и Пекинг бидејќи значителен дел од неговото производство се наоѓа во Кина, која се соочува со американски царини од 54 отсто, пренесува CNN (CNBC).
Компанијата има производство и во Индија, Виетнам и Тајланд, но и овие земји се под напад на реципрочните царини на Трамп.
Аналитичарите предвидуваат дека Apple најверојатно ќе мора да ги зголеми цените на своите производи или самиот да ги покрие дополнителните трошоци кога ќе стапат на сила новите тарифи.
Експертот за банката Barclays Лондон, Тим Лонг, очекува дека производите на Apple ќе поскапат или во спротивно заработката по акција на компанијата ќе падне за дури 15 проценти.
Експертите од швајцарскиот UBS проценуваат дека врвниот iPhone на Apple, кој моментално се продава за 1.199 долари, би можел да поскапе за околу 30 отсто или приближно 350 долари поради новите тарифи.
„Епл“ исто така би можел да го промени синџирот на снабдување, така што увозот на неговите производи во САД доаѓа од други земји со пониски царини, додава американскиот медиум.