Американскиот претседател Доналд Трамп синоќа во Белата куќа изјави дека американскиот воен буџет ќе порасне на трилион долари, иако пред помалку од два месеци најави намалување на трошоците за одбрана.
На 20 февруари, Пентагон објави дека наредил да се преиспитаат неговите трошоци за да се пренасочат околу 50 милијарди долари на програми кои се „повеќе во согласност со приоритетите на Трамп за национална одбрана“.
Контрадикторни изјави
Буџетот за 2025 година е определен на 850 милијарди долари, а според последните најави на Трамп би се зголемил за околу 150 милијарди долари.
Претходно беше објавено и дека во рамките на Одделот за владина ефикасност (DOGE) предводен од милијардерот Илон Маск, воениот буџет може да се намали за 300 милијарди долари за 5 години.
„Воен буџет од трилиони долари, најголемиот досега, е нешто што никој никогаш не го видел. Мораме да ја изградиме нашата армија и да внимаваме на трошоците. Но, мора да изградиме армија и мора да бидеме силни, бидејќи има многу опасни сили во светот“, рече вчера Трамп.
President Trump announces he’ll be requesting a record-breaking $1 trillion Pentagon budget.
“$1 trillion, and nobody’s seen anything like it. We have to build our military and we’re very cost conscious. But the military is something that we have to build, and we have to be… pic.twitter.com/WkGoNrUytW
— Ken Klippenstein (@kenklippenstein) April 8, 2025