Белата куќа објави дека Илон Маск ќе ја напушти функцијата во Одделот за владина ефикасност (DOGE) како што е планирано подоцна оваа пролет, кога „неговата неверојатна работа“ ќе биде завршена.
„Илон Маск и американскиот претседател Доналд Трамп јавно рекоа дека Илон ќе ја напушти јавната служба како специјален вработен во американската влада кога ќе заврши неговата неверојатна работа во DOGE. Медиумските ексклузивци се ѓубре“, објави портпаролката на Белата куќа, Керолин Ливит на својот X профил, пренесува Танјуг.
Таа ги критикуваше медиумите повикувајќи се на написот објавен на порталот Политико во кој се наведува дека Трамп им рекол на својот близок круг и на членовите на неговиот кабинет дека „Маск ќе се повлече од сегашната позиција во администрацијата во наредните недели“.
Се очекуваше Маск да го напушти DOGE по 130 дена како „специјален вработен во владата“ во мај оваа година.
Маск беше официјално ангажиран како „специјален вработен во владата“, позиција основана од американскиот Конгрес во 1962 година која им овозможува на извршната или законодавната власт привремено да вработуваат службеници за конкретни краткорочни владини проекти.