Универзитетот во Истанбул објави дека поради нерегуларности му ја поништил дипломата на Екрем Имамоглу, главниот политички противник на турскиот претседател Реџеп Таип Ердоган, нанесувајќи и удар на опозицијата, која во наредните денови требаше да го избере за претседателски кандидат.
Без универзитетска диплома, градоначалникот на Истанбул Екрем Имамоглу од главната опозициска Републиканска народна партија (ЦХП) не може да се кандидира за претседател.
Тој рече дека одлуката на Универзитетот е незаконска и излегува надвор од неговите надлежности и дека ќе се жали до судот.
„Ќе ја донесеме оваа незаконска одлука на суд и ќе се бориме против неа“, рече тој, додавајќи: „Не верувам во правични одлуки“, објави Хина, цитирајќи ја Ројтерс.
„Нема да се откажам, нема да се заморувам. Екрем повеќе не е предмет на овој процес, целиот народ е, се што народот стекнал и постигнал е во опасност“, додаде тој.
Владата на Ердоган негира дека врши политички притисок врз судовите и тврди дека судството е независно.