Времето денеска низ Македонија ќе биде сончево со мала до умерена облачност, претпладне поголема во јужните делови.
Ќе дува слаб до умерен, наместа долж Повардарието краткотрајно засилен ветер од северен правец, информираат од Управата за хидрометеоролошки работи.
Минималната температура ќе биде во интервал од -3 до 5, а максималната ќе достигне од 7 до 14 степени.
Во Куманово и околината денеска ќе имаме променливо облачно време.
Ќе дува слаб до умерено засилен северен ветер.
Температурата во утринските часови ќе се движи околу три степени под нулата, додека максималната дневна се очекува да достигне 9 степени целзиусови.
Утре низ кумановско ќе имаме претежно сончево време со мала облачност. Ќе дува слаб до умерено засилен ветер од северен правец. Температурата во утринските часови ќе се движи околу -4 степени, а максималната дневна ќе достигне 12 степени целзиусови.
Во среда ќе имаме сончево и топло време. Ќе дува слаб до умерен јужен ветер, а температурата ќе се движи во интервал од минимални -2 до максимални 15 степени целзиусови.
Четврток носи сончево и многу топло време за овој период од годината. Ќе дува слаб до умерен ветер од југоисточен правец. Утринската температура ќе се движи околу еден степен во негатива, додека максималната дневна се очекува да достигне дури 19 степени целзиусови.
Сончево и многу топло време ќе имаме и во петок. Ќе дува слаб до умерен јужен ветер, а температурата ќе се движи од минимални 0 до максимални 20 степени целзиусови.
Во сабота ќе имаме претежно сончево време со мала облачност и слаб до умерен ветер од јужен правец. Температурата во утринските часови ќе се движи околу три степени, а максималната дневна околу 19 степени целзиусови.
И во недела ќе имаме претежно сончево време со мала облачност. Ќе дува слаб до умерен јужен ветер, а температурата ќе се движи од минимални 4 до максимални 19 степени.
Слично време ќе имаме и следната седмица.
Никола Ивановски