Неколку парчиња остатоци од ракетата На Space X на Илон Маск пред пет дена паднаа во шумска област во Полска, како и во приватна градина.
Полските медиуми јавуваат дека во изминатите неколку дена паднале четири парчиња остатоци од ракетата Фалкон 9 на Маск, која беше лансирана од Калифорнија на почетокот на овој месец.
a part of elon’s rocket has hit poland at night??? luckily noone was hurt but god imagine it hit like a train or hospital.. and there was no warning whatsoever? pic.twitter.com/p0wuraFLJI
— nana ☆ (@wlwfstar) February 19, 2025
Таа ракета имаше задача да го постави сателитот Старлинк во ниска орбита.
Три недели по лансирањето, делови од ракетата почнаа да паѓаат на Земјата, директно во центарот на Полска.
Првиот фрагмент беше пронајден минатата среда во предградието на Познањ, а полицијата извести дека втор предмет со слична големина е лоциран неколку часа подоцна во шума во близина на првата локација.
Полјаците објавија снимка на социјалните мрежи од огнена топка која минува низ атмосферата над Полска, оставајќи светла трага на небото.
Falcon 9 upper stage reentry over Poland
These do not in fact entirely burn up, which is becoming an issue given the launch cadence pic.twitter.com/n9oD1zQty7
— Chris Combs (iterative design enjoyer) (@DrChrisCombs) February 19, 2025
Освен во Полска, проектилот наводно бил забележан и во Данска, Шведска и во Обединетото Кралство, а експертите веруваат дека остатоците од ракетата можеби паднале во Украина.
Покрај тоа, парче отпад паднало во задната градина на сопственикот на магацинот Адам Боруцки, кој ги открил остатоците во неговиот двор кога се разбудил.
– Кога стигнавме на работа, затекнавме целосен хаос со искршени електрични столбови во магацинот. Се чувствував изненадено, но и малку исплашено. Но, на крајот на краиштата, мило ми е што никој не е повреден – изјави Боруцки.
Засега нема повредени во овие инциденти.
„Со оглед на фактот дека утрово се очекуваше втората етапа од ракетата Фалкон да влезе во атмосферата над Полска, ја известивме Државната вселенска агенција“, потврдија од полицијата.
– Истражуваме како објектот завршил на оваа локација, но важно е да нема повредени – додаваат од полската полиција.
Инцидентот беше потврден од Space X, како и од Одделот за вселенска безбедност на Полската вселенска агенција, наведувајќи дека „неконтролираното повторно влегување во втората фаза на ракетата Falcon 9 се случило помеѓу 04:46 и 04:48 на 19 февруари 2025 година над Полска“.
@SpaceX activities in Poland look like this.
Also, I think this is the first time someone has captured uncontrolled space debris hitting the surface.
Source: Elektro-hurt Aleksander Winter pic.twitter.com/COwpSE3lFm
— Jędrzej Kowalewski (@jj_kowalewski) February 20, 2025