Цените на акциите утрово пораснаа на европските берзи бидејќи инвеститорите се надеваат дека иницијативата на американскиот претседател Доналд Трамп наскоро ќе доведе до крај на војната меѓу Русија и Украина.
Индексот STOXX 600 на водечките европски акции во 9:30 часот порасна за 0,5 отсто, достигнувајќи ново рекордно ниво.
Иако лондонскиот FTSE индекс падна за 0,45 отсто, на 8.767 поени, франкфуртски DAX порасна за 1,06 отсто, на 22.380 поени, а париски CAC за 0,86 отсто, на 8.110 поени.
На берзите владее добро расположение бидејќи инвеститорите се надеваат на крај на војната меѓу Русија и Украина.
Трамп разговараше со Путин и Зеленски
Американскиот претседател Доналд Трамп вчера разговараше со претседателите на Русија и Украина, Владимир Путин и Володимир Зеленски, кои изразија желба да започнат мировни преговори.
Пазарите се поддржани и со подобри од очекуваните квартални деловни резултати од европските компании.
Благодарение на ваквите резултати утринава цената на акциите на Нестле скокна за речиси 7 отсто, а на Сименс речиси 6 отсто.