Google Maps го преименуваше Мексиканскиот залив во Американски залив за американските корисници откако американската влада еднострано донесе таква одлука.
Мапите за корисници надвор од САД ги имаат двете имиња на нив.
Технолошкиот гигант ја објави промената пред неколку дена, наведувајќи ја својата „долгогодишна практика на менување имиња кога се ажурирани во официјални владини извори“.
Американскиот одбор за географски имиња официјално го преименуваше заливот на јужниот брег на САД и источниот брег на Мексико во понеделникот, откако американскиот претседател Доналд Трамп нареди ново име во чест на „американската величина“ веднаш по преземањето на функцијата.
Сегашното име за влезот на морето на јужниот брег на САД е во употреба од 16 век.
Мексиканската претседателка Клаудија Шејнбаум одговори:
„За нас тоа ќе продолжи да биде Мексиканскиот Залив, а за целиот свет ќе продолжи да биде Мексиканскиот Залив“.
Корисниците надвор од САД сега најпрво го гледаат Мексиканскиот Залив, а покрај него во загради е и Заливот на Америка – слично како и во други случаи кога различни земји користат различни имиња за иста географска локација.
„Тоа е долгогодишна практика: кога официјалните имиња се разликуваат меѓу земјите, корисниците на мапите го гледаат нивното официјално локално име. Сите други во остатокот од светот ги гледаат двете имиња. Тоа е точно и овде“, велат од Google.