Отворањето на американската ракетна одбранбена база во Полска е обид да се ограничи рускиот воен потенцијал и да доведе до преземање соодветни мерки, изјави портпаролот на Кремљ, Дмитриј Песков.
„Ова подобрување на американската воена инфраструктура кон нашите граници не е ништо повеќе од обид да се ограничи нашиот воен потенцијал, тоа води до усвојување соодветни мерки за обезбедување паритет“, рече Песков, пренесува РИА Новости.
Американската одбранбена ракетна база денеска ќе биде отворена во Реџиков, Полска.
На свеченото отворање ќе присуствуваат претставници на Соединетите Американски Држави и највисокото раководство на Полска, а полскиот претседател Анджеј Дуда ќе пристигне директно од Азербејџан, каде што учествува на самитот за климата COP29, соопшти агенцијата.