Британскиот премиер Кир Стармер изјави дека Велика Британија сака добри односи со сите свои сојузници и дека не мора да избира помеѓу пријателство со ЕУ или Соединетите Американски Држави.
„Можеме да бидеме пријатели и со Трамп и со ЕУ“, рече Стармер пред неговото патување во Азербејџан, каде што се одржува годишниот самит за климатски промени COP29, пренесува Politico.
Тој негираше дека земјата може да биде вовлечена во трговска војна меѓу ЕУ и САД.
„Европските земји се наши најблиски трговски партнери и имаме долга историја заедно. Но, подеднакво специјалниот однос со САД беше создаден во тешки околности, тоа е многу важно за Обединетото Кралство. Сакам да гарантирам дека имаме добри односи со сите наши важни сојузници, а тоа ги вклучува ЕУ и САД“, рече Стармер, пренесува Танјуг.
Новоизбраниот американски претседател Доналд Трамп честопати велеше за време на предизборната кампања дека ќе ги врати работните места во САД и дека тоа може да го направи со воведување на сеопфатни царини до 20 отсто на увезената стока.
Економистите предупредија дека планот тешко ќе ги погоди извозниците од ОК, иако британските министри инсистираат дека се „исклучително добро подготвени“ за таков исход, и
Во меѓувреме, ЕУ објави дека е подготвена силно да ги возврати тарифите на Трамп.
„Нема да навлегувам во хипотетичка дискусија за политиките пред да дојдеме до тие политики. Така, ќе се вратиме на тоа кога ќе видиме што всушност се тие“, рече Стармер.