Односите меѓу Русија и Азербејџан се развиваат позитивно, беше оценето на почетокот на средбата меѓу рускиот претседател Владимир Путин и азербејџанскиот претседател Илхам Алиев во Кремљ.
„Би сакал веднаш да истакнам дека односите се развиваат позитивно. Тоа го забележав при мојата официјална посета на Азербејџан. Трговскиот промет од 4,3 милијарди долари, повеќе од четири милијарди (долари) се нашите директни инвестиции во азербејџанската економија“, рече рускиот лидер.
Средбата меѓу двајцата лидери се одржува на маргините на самитот на Комонвелтот на независни држави (ЗНД).
Главна тема на разговор ќе биде прашањето за нормализација на односите меѓу Баку и Ереван, пренесува „Известија“.
Што се однесува до трилатералната средба меѓу Путин, Алиев и ерменскиот премиер Никол Пашинјан за решавање на конфликтот, сè уште нема планови за нејзино организирање, изјави за новинарите Јуриј Ушаков, помошник на рускиот лидер.
На почетокот на септември, Алиев на меѓународниот форум во Чернобил, Италија, изјави дека Баку е подготвен да учествува во решавањето на кризата во Украина, но категорично ја отфрли „кампањата на антируски санкции“ и рече дека нема да учествува во него, пренесува Танјуг.
Рускиот амбасадор во Азербејџан Михаил Евдокимов во февруари изјави за „Известија“ дека антируските санкции придонесуваат за развој на односите меѓу Руската Федерација и Азербејџан, како и за промоција на посериозни проекти меѓу нашите земји.
Трговскиот промет во 2023 година достигна 4,4 милијарди долари, а меѓусебните порамнувања во национални валути надминаа 54 отсто.