Во рамките на БРИКС се разгледуваат механизми за зголемување на улогите на земјите-членки во решавањето на проблемот со глобалното владеење – вклучително и реформа на функционирањето на Меѓународниот монетарен фонд и Светската банка, рече рускиот министер.
– Во тек е објективен, историски, незапирлив процес на формирање мултиполарен светски поредок, а БРИКС е еден од главните двигатели на тој процес, изјави на прес-конференција рускиот министер за надворешни работи Сергеј Лавров.
Според него, не се знае која е точната причина поради која Турција одлучила да поднесе барање за приклучување кон БРИКС, но очигледно е дека оваа асоцијација со својот рапидно растечки авторитет и углед е локомотива на формирање на нов светски поредок.
Повеќе од 30 земји веќе изразија желба да се приклучат на БРИКС, додаде тој и објасни дека лидерите кои размислуваат за иднината на своите земји не сакаат да заостанат зад процесот.
Во исто време, продолжи Лавров, БРИКС разгледува механизми за зголемување на улогата на земјите-членки во решавањето на проблемот со глобалното владеење – вклучително и реформа на функционирањето на Меѓународниот монетарен фонд и Светската банка, во рамките на кои САД саботираат други земји.