Рајан Весли Рут, осомничениот за новиот обид и планирање на атентат врз Доналд Трамп, бил целосно смирен при апсењето и не покажувал никакви емоции, сподели со јавноста Вилијам Д.
„Беше релативно мирен и во ниту еден момент не ги праша полицајците зошто е уапсен“, изјави Вилијам Д. Снајдер, а пренесуваат сите американски медиуми.
Како што се испоставува, осомничениот успеал да се доближи до Трамп на 400-500 метри.
Сепак, тимот на Тајната служба на Доналд Трамп го забележал меѓу дрвјата на само две дупки од местото каде што Трамп играл голф.
Два часа по инцидентот, ФБИ објави соопштение во кое тврди дека инцидентот се третира како „обид за атентат на поранешниот претседател Трамп“.
Главниот разузнавачки аналитичар на Си-Ен-Ен, Џон Милер, објави дека профилите на Роут на социјалните мрежи се фокусирани на неговата „самопрогласена вмешаност“ во војната во Украина, вклучувајќи го и неговиот наводен обид да регрутира војници да се борат на украинската страна.
Милер рече дека Рут живее на Хаваи, а претходно бил градежен работник во Северна Каролина, каде што има долго криминално досие.
Наводно, тој претходно бил апсен дури осум пати, најмногу за полесни прекршоци.
Во март 2023 година, Рут зборуваше за Њујорк Тајмс за неговите напори да регрутира американски војници.
„Њујорк тајмс“ тогаш тврдеше дека Рут „минал неколку месеци во Украина минатата година и дека планира да пресели американски доброволци во Украина преку Пакистан и Иран“.
Тој, исто така, тогаш рече дека десетици Американци изразиле интерес.
„Најверојатно можеме да купиме некои пасоши преку Пакистан, бидејќи тоа е многу корумпирана земја“, рече Рут во интервју објавено на веб-страницата на Њујорк Тајмс на 25 мај 2023 година.
Во јуни 2022 година, според американскиот Њусвик, Рут разговарал и со романскиот огранок на Њусвик за напорите да се регрутираат доброволци во Меѓународната одбранбена легија на Украина, единица на украинските копнени сили.
„За мене, многу светски конфликти се сиви, но овој е дефинитивно црно-бел“, рече тогаш Рут.