Анастасија од Куманово ја претставува Македонија на Европското првенство во тенис

Анастасија Арсовска од Куманово е дел од тимот кој ја претставува Македонија на  Европското првенство во тенис за јуниори и јуниорки до 14 години кое се одржува во Мост, Чешка во период од 9-ти до 15-ти септември.

Европското првенство е организирано од Tennis Europe и е најпрестижен турнир во јуниорска категорија, како за младите тенисери  така и за националните тениски федерации.

Годинава на првенството настапуваат 79 јуниорки и 80 јуниори од 40 земји во Европа.

Натпреварите со најдобрите тенисери до 14 години од Европа се голем мотив за Анастасија и ќе бидат од голема важност за нејзиот пат  кон нови успеси.