Вежбите се одржаа во воената база Џиупенг на југот на Тајван. Меѓу лансираните проектили се тајванските антибалистички ракети Sky Bow III, заедно со американските Patriot PAC II и Стандард ракети земја-воздух.
Кина го смета Тајван за своја територија и ги засили своите воени закани во изминатите неколку години.
На Пекинг не му се допаѓа особено новиот претседател на Тајван, Лаи Шинг Те, кој ја презеде функцијата претходно оваа година и кого Пекинг го нарече сепаратист.
Тајванското Министерство за одбрана денеска соопшти дека сите проектили ги погодиле наменетите цели и дека тоа покажува дека обуката на тајванската војска е „строга и силна“.
Официјален Пекинг не реагираше веднаш на вежбата на Тајван. Кина често испраќа воени авиони и бродови во близина на островите користејќи, како што критичарите ја нарекуваат тактика за заплашување.
Тајванското Министерство за одбрана соопшти рано во четвртокот дека забележало пет кинески воени авиони и 11 бродови во близина на нејзиниот брег во последните 24 часа. Еден авион ја преминал средната линија на Тајванскиот теснец, неофицијалната демаркациона зона меѓу двете страни.
Тајван купи високотехнолошки оружја од САД, ја ревитализираше својата индустрија за оружје и ја продолжи задолжителната воена служба од четири месеци на една година.
САД се обврзани со закон да му обезбедат на Тајван одбранбени ресурси и сметаат дека секоја закана за островот е прашање на голема загриженост.