Социјалистот Салвадор Ила, близок до шпанскиот премиер Педро Санчез, денеска е избран за премиер на Каталонија, на изборите што се одржаа и покрај краткото враќање и новото бегство на сепаратистичкиот лидер Калес Пуџдемон.
Партијата на Пуџдемон, кој избега од полицијата и покрај налогот за апсење кој се уште е на сила во Шпанија, неуспешно побара одложување на парламентарната седница за избор на шеф на владата.
Шпанската полиција денеска ја започна операцијата „Кафез“ во потрага по поранешниот каталонски премиер Пуџдемон, кој по седум години во егзил, и покрај заканата за апсење, денеска се појави во Барселона и им се обрати на поддржувачите на независноста на Каталонија.
Опкружен со приврзаници, Пучдемон одржа говор во близина на споменикот на Триумфалната капија, во близина на Парламентот на Каталонија, во кој беше избран новиот премиер на тој регион, но тој не влезе во Парламентот, објавија локалните медиуми, наведувајќи дека по говорот, Пуџдемон изгуби трага од толпата.
Во 2017 година, Пуџдемон, кој го одржа тогаш забранетиот референдум за независност на Каталонија, во утрово обраќање до своите поддржувачи рече дека се вратил за да ги потсети дека се уште е тука.
„Каталонија има право да одлучува за својата судбина. Одржувањето референдум не е и никогаш нема да биде кривично дело“, им рече тој на толпата која носеше каталонски знамиња.
Како отстапка на малцинската левичарска влада, предводена од Педро Санчез, на партиите кои се залагаат за независност на Каталонија, вклучувајќи ја и партијата на Пуџдемон Заедно за Каталонија, шпанскиот парламент во мај усвои закон за амнестија со кој се запираат кривичните постапки против неколку стотици организатори на референдумот.
Сепак, Врховниот суд во Мадрид пресуди дека амнестијата не може да го опфати Пуџдемон поради наводната проневера на парите на даночните обврзници и затоа е распишана потерница.
Каталонската полиција, Mossoos d’Eskadra, постави бројни контроли на возила на каталонските патишта за да го пронајде исчезнатиот Пуџдемон, но без успех.
Тој избегал користејќи го големиот број луѓе кои биле околу него, во возило кое полицијата се обидела да го запре, но залудно“, соопштено е.
Но, како што пишува Франс прес, двајца припадници на каталонската полиција се уапсени под сомнение дека и тие учествувале во бегството на Пуџдемон.
Дури се сомнева дека еден од нив е сопственик на автомобилот со кој Пуџемон избегал.