Џеј ди Венс кандидат за потпретседател на Трамп рече дека Британија би можела да стане првата „вистински исламистичка земја што ќе добие нуклеарно оружје“ откако лабуристите победија на општите избори.
Сенаторот од Охајо го даде горенаведениот коментар на конференцијата на американските конзервативци.
Оваа ситуација може да биде крајно непријатна за британскиот министер за надворешни работи Дејвид Лами, кој во последните месеци се обиде да „изгради мостови“ со Венс, зборувајќи за тоа како и двајцата пораснале во сиромаштија.
„Неодамна разговарав со пријателите за една од најголемите опасности во светот, ширењето на нуклеарното оружје. Се разбира, администрацијата на Бајден не се грижи за тоа“ рече Венс минатиот четврток на конференција за националниот конзерватизам.
„Мислевме, можеби тоа е Иран, можеби Пакистан веќе на некој начин се брои, а потоа конечно решивме дека можеби тоа е Велика Британија, бидејќи лабуристите штотуку ја презедоа власта“, додаде тој, според Гардијан.
Тој порано зборуваше против Трамп
Венс синоќа беше прогласен за избор на Трамп за потпретседател, само еден ден откако поранешниот претседател за влакно ја избегна смртта на предизборен митинг.
Венс претходно беше остар критичар на Трамп и ја осудуваше неговата реторика кон муслиманите.
„Трамп ги плаши луѓето за кои се грижам. Имигрантите, муслиманите итн. Мислам дека тоа треба да се осуди. Бог сака подобро за нас“, напиша Венс во октомври 2016 година.
Сепак, по некое време тој стана еден од најистакнатите млади конзервативци на новата десница која го поддржува Трамп.
Венс е жесток критичар на поддршката на Вашингтон за Украина и неговото назначување најверојатно ќе биде дочекано со трепет во Брисел.
Венс одигра важна улога во неуспешниот обид да се блокира предлог-законот за поголема украинска помош оваа година во Сенатот.