Портпаролката на Министерството за надворешни работи на Русија, Марија Захарова, ја коментираше ситуацијата во САД и новата грешка на американскиот претседател Џо Бајден нарекувајќи го украинскиот претседател со името на неговиот најголем противник Владимир Путин.
Захарова, исто како и многу светски претставници, се осврна на оваа ситуација и иронично рече дека Бајден е проруски кандидат на изборите во Соединетите Американски Држави.
„Ми се чини дека озлогласеното руско мешање во американските избори веќе не може да се сокрие. Има проруски кандидат кој е контролиран од „раката на Кремљ“. Ја чекаме хистеријата на Хилари Клинтон за „нападот“ за американската демократија“ и извештајот на Стејт департментот за откривање на заговорот на „домашните терористи““, рече Захарова.
Да потсетиме дека за време на самитот на НАТО во Вашингтон, Бајден ги собра сите лидери на алијансата на заедничка прес-конференција, на која зборуваше за продолжување на помошта за Украина.
Во моментот кога требаше да го објави говорот на претседателот Зеленски, Бајден рече „претседател Путин“.