Медиумите претходно пишуваа за „најтивката соба“ на компанијата Мајкрософт во Редмонд, како и за луѓето кои се осмелиле да поминуваат време во неа.
Ваквата соба звучи како блаженство за поединци кои бараат мир и тишина.
Таканаречените анехоични комори постојат на повеќе локации низ светот, како онаа во лабораторијата Орфилд во Минесота, која влезе во Гинисовата книга на рекорди.
Слична просторија постои и на Универзитетот Саут Банк во Лондон, а на посетителите им се препорачува да не поминуваат повеќе од 45 минути во неа.
– Ги предизвикуваме посетителите да поминуваат време во комората, во темница. Но, ве предупредуваме. Колку е потивка собата, толку повеќе работи ќе слушате. Како функционираат вашето срце, понекогаш и белите дробови – изјави дизајнерот Стивен Орфилд.
Пред осум години, репортерот на UNILAD постави рекорд во „најтивката соба“, каде што помина 67 минути, а оттогаш многу предизвикувачи сакаат да ги тестираат своите граници.
Меѓу нив е и Јутјуберот Калукс кој го опишал својот престој во комората и правилата кои морал да ги следи.
По обиколката на лабораторијата, момчето остана сам во комората и не помина долго време кога работите станаа чудни.
По пет минути почнал да се чувствува дезориентиран бидејќи имал силно зуење во ушите.
Поминаа уште 10 минути и Калукс пријави дека видел светла како „танцуваат“ во собата. По 30 минути го слушнал звукот на сопствената крв.
Кога поминале 60 минути, младиот човек за малку ќе се откажал, бидејќи пријавил дека има халуцинации. Сепак, тој издржа и постави нов рекорд – 86 минути.
На прашањето како ќе го опише своето време во комората, тој накратко рече: „Беше чудно“.
ПРАВИЛА ЗА ПРЕСТОЈ ВО „НАЈТИВКАТА СОБА“:
– Предизвикувачот мора да биде сам во собата
– Спиењето не е дозволено.
– Предизвикувачот мора постојано да биде под надзор.
– Звукот мора да остане под 25 децибели.
– На предизвикувачот му е дозволено да зборува до една минута (на секои пет минути).
– На предизвикувачот му е дозволено да ја напушти просторијата во секое време.