Добро балансирана исхрана е од суштинско значење за да ја добиете сета енергија што ви е потребна за да го поминете денот, па здравствените работници биле разбирливо збунети откако една жена тврдеше дека не јадела или пиела вода 16 години.
Мулуворк Амбав тврди дека последниот оброк што го јадела бил кога имала десет години и дека тоа била чорба од леќа.
Таа сега има 26 години, а изјавува дека оттогаш ништо не јадела, ниту пиела, бидејќи едноставно – нема апетит.
Иако вели дека сака да готви за своето семејство, оваа мајка од Етиопија не им се придружува за оброци, но и не гладува.
Оттогаш, таа е тестирана од бројни лекари во Индија, Катар и Дубаи – но никој не може да го објасни чудниот феномен.
Гинисовата рекордерка од Велика Британија и Јутуберот Дру Бински одлучиле да ја посетат Мулуворк за да видат дали може да разберат како таа сè уште е жива по 16 години пост, пишува Мирор.
– Да, тоа е вистина. Не сум јадела во последните 16 години. Живеев со семејството и ме замолија да појадувам и да одам на училиште. Реков дека јадев, но се преправав. Го изгубив апетитот за вода или каква било храна – објаснила како сето тоа започнало.
Сега Мулуворк сака да поминува време во својата градина, каде што одгледува зеленчук, во случај да дојде нејзината сестра или гости, за да може да им готви свежа храна.
– Готвам колку сакам, но немам апетит – нагласува оваа жена.
Бидејќи Мулуворк постела 16 години, таа исто така не морала да користи тоалет.
– Единствената причина поради која одам во тоалет е кога треба да се избањам. Инаку, 16 години не користам тоалет – тврди таа.
Кога Мулуворк забременила, и биле дадени инфузии со гликоза за да ја надополни природната енергија на телото.
Но, не можела да дои, бидејќи не произведувала млеко, туку користела дополнителна храна за да го нахрани бебето.
Иако таа самата направила неколку медицински тестови и не биле констатирани здравствени проблеми со Muluwork, тимот на Бинск решил дополнително да ги истражи нејзините наводи и – ја потврдиле неверојатната приказна на оваа жена.
По три години тестови, вклучително и оние што ги направиле лекарите во главниот град на Етиопија, Адис Абеба, оцениле дека е во совршено здравје.
Тие, исто така, забележале дека нема храна, вода или отпадни производи во нејзиниот дигестивен тракт – што сугерира дека таа навистина немала потреба да „мочка или дефецира“.
Направиле тестови и во Дубаи и Катар за да го проверат нејзиното ментално здравје, но повторно не откриле ништо значајно.
Додека медицинските професионалци немаат објаснување, Мулуворк верува дека нејзината необична состојба е „Божја работа“.
Таа сега ќе продолжи да пости и рече дека мисли дека никогаш повеќе нема да јаде.
На оние кои не ѝ веруваат и ја сметаат за измамник, таа им вели да дојдат кај неа, па ќе видат дека таа ништо не јаде и не пие.
Според сите здравствени упатства, жените треба да внесуваат околу 2.000 калории дневно, а мажите 2.500 калории.
Сепак, точната бројка зависи од повеќе работи, вклучително и од тоа колку сте активни.
Исто така, секогаш се наведува дека е неопходен внес од шест до осум чаши течност дневно.
И сите здравствени експерти предупредуваат дека максималниот период кога телото може да преживее без храна или вода е една недела.