Низ српските медиуми се шири вест за наводен проект предложен од Џаред Кушнер, зетот на поранешниот американски претседател Доналд Трамп и Ричард Гренел, клучниот сојузник на Трамп.
Планот вклучува уривање на оштетениот поранешен штаб на југословенската армија, кој досега беше неофицијален споменик на страдањата за време на бомбардирањето на НАТО на Белград во 1999 година.
На негово место би се издигнал комплекс од луксузни станови и деловни простории во стилот на Трамп Тауер, пишува Politico.
Предлогот предизвика бес во Србија, фокусиран главно на историското значење на зградата – особено на фактот дека американска компанија (блиска до поранешниот претседател на САД) ќе го обнови симболот на бомбардирањето на градот под раководство на Вашингтон.
„Не чуено е местото каде што се убиваа и бомбардирани луѓе да се претвори во место со џакузи и казина“, рече Александар Јовановиќ Ќута, опозициски политичар кој прв ја објави информацијата за споменатиот план во февруари.
Според документите кои протекоа, преговорите се во тек најмалку од 2022 година.
Според условите на предложениот договор, српското Министерство за инфраструктура ќе додели 99-годишен закуп на две парцели земјиште на Kushner Realty и Atlantic Incubation Partners, компанија со ограничена одговорност основана во Делавер минатата година.
„Документот ни го дадоа луѓе од внатре кои се длабоко против проектот. Причината зошто повеќе луѓе кои се против проектот не излегуваат во јавноста е тоа што знаат дека веднаш ќе бидат отпуштени и казнети поради тоа, рече Јовановиќ.
Јовановиќ и другите опозициски политичари покренаа петиција против проектот, собраа околу 22.000 потписи и најавија протести за да се спречи реализацијата на проектот.
„Замислете ако американскиот претседател учествуваше во разговорите и склучуваше тајни комерцијални договори со Кина или Русија за да се изгради во места како Вест Поинт?”.