Марлен Флаверс е име кое во последно време ги инспирира луѓето ширум планетата.
Таа е навидум слатка баба во своите 70-ти години, а за неколку секунди од видеото се претвора во вистинска фитнес ѕвезда.
View this post on Instagram
Пред седум години почнала активно да тренира, откако дознала дека има голем проблем со исхраната кој ѝ штети на здравјето.
– Кога имав 58 години морав да се оперирам поради состојбата во која се наоѓав поради проблеми со исхраната. После тоа искуство знаев дека морам итно да променам нешто. Тогаш се вклучив во теретана и станав нејзин најголем обожавател – вели таа, пренесува „The Sun“.
View this post on Instagram
Марлен почнала да вежба и да се храни здраво, а потоа пред три години открила посебна „љубов“ кон кревањето тегови.
Бабата сега има импресивен сет на мускули кои ги нарекува „бабини пиштоли“.
Нејзиниот син е нејзин личен тренер, со чија помош сега е редовен учесник на натпреварите во бодибилдинг.
View this post on Instagram
Марлен го документира своето фитнес патување на социјалните мрежи и стана вистинска инспирација за многумина.
Сега нејзините видеа броат дури и до 15 милиони прегледи.
– Не мора да имате неверојатно тело за да вежбате и да се грижите за себе. Целта е да се чувствуваме добро, а не да изгледаме според денешните стандарди – „фантастично“. Вежбањето може да биде тешко, но штом го направите, се чувствувате многу подобро. Кога ќе не успеете во нешто, станете и обидете се повторно. Таму каде што има труд, има и шанса за успех – им порачува оваа баба на своите следбеници.
View this post on Instagram
Во едно видео таа откри дека често добива коментари дека е „преостара“ за тренинг и теретана, а потоа со видеа со тегови докажа дека никогаш не е доцна.
Оваа супер-баба продолжува да крева тегови, да прави слатки видеа со колегите бодибилдери и да прави нови фанови на социјалните мрежи со насмевка.