Шведски пожарникари со денови се борат со пожарот во најголемиот забавен парк во земјата во западниот град Гетеборг.
Напорите за гаснење на пожарот беа отежнати поради опасноста од уривање на зградата, соопштија службите за итни случаи, пренесува АФП.
„Структурата е во пламен и не можеме да влеземе во некои делови од зградата за да се бориме со пожарот бидејќи ризикот од уривање е преголем. Се грижиме пожарот да не се прошири на соседните згради“, соопшти службата за итни случаи на Гетеборг.
Пожарникарите соопштија дека пожарот бил ставен под контрола во вторникот, но се разгорел во вечерните часови.
💥Granne till Oceana/Liseberg reagerar spontant på video när explosionen kommer.
Man förstår honom. pic.twitter.com/ULEta6CiPK— Jens Leidewall (@Leidewall) February 14, 2024
Црн чад над градот
Пожарот избувна во понеделникот во водениот парк Океана во Гетеборг на југозападот на Шведска.
Избувна во делот од паркот кој се уште е во изградба, а е дел од поголемиот забавен парк Лизеберг.
Снимките од понеделникот покажаа експлозии и огнени топки кои уништуваат дел од водениот тобоган.
На снимките и фотографиите се гледа дека црн чад се издигнал над дел од градот.
Во пожарот исчезна едно лице, а полицијата соопшти дека 16 лица се полесно повредени и на ниту еден не му била потребна хоспитализација.
Поведена е истрага поради крајно невнимание и повреда на работниот однос, соопшти полицијата.
Според шведскиот весник Dagens Nyheter, аквапаркот Океана со базен од 10.000 квадратни метри требаше да биде отворен кон средината на јуни.
Засега нема информации дали водениот парк ќе се реновира.
The water park in Liseberg in Sweden is still on fire for the third day, and there is a danger of parts of the building collapsing.
A construction worker is missing. It has not been established with certainty that he was inside the building when the fire broke out. pic.twitter.com/yn4UGM7KxQ— News Hub Norway (@NewsPro365270) February 14, 2024