Бројот на загинати во земјотресот во Мароко се искачи на 2.122, а повредени се најмалку 2.421 лице, од кои 1.400 критично.
Мароко досега ја прифати помошта од четири странски земји
Мароко вчера објави дека ја прифатил помошта од четири странски земји, додека многу други земји исто така потврдија дека се подготвени да испратат помош.
Властите „во оваа фаза“ позитивно одговорија на понудите од Шпанија, Велика Британија, Катар и Обединетите Арапски Емирати „да испратат тимови за пребарување и спасување“, соопшти МВР.
Тие истакнаа дека странските тимови се во контакт со мароканските власти за да ги координираат напорите и дека само четири понуди биле прифатени бидејќи „недостатокот на координација може да биде контрапродуктивен“.
Други понуди може да бидат прифатени во иднина „доколку е потребно“, соопшти Министерството.
Францускиот претседател Емануел Макрон истакна дека се подготвени да пружат помош „во моментот“ што Мароко ќе го побара тоа.
Шпанија испрати 86 спасувачи и осум кучиња трагачи во Мароко за да помогнат во потрагата и спасувањето на преживеаните од разорниот земјотрес.
„Ќе испратиме се што е потребно бидејќи сите знаат дека овие први часови се клучни, особено ако има луѓе затрупани под урнатините“, објави шпанската министерка за одбрана Маргарита Роблес на јавната телевизија.
Граѓаните бесни, им снемува залихи
Постои фрустрација кај граѓаните што помошта не стигнува до градовите и селата во руралните планински области јужно од Маракеш.
Асни е на само 50 километри од Маракеш, а луѓето велат дека итно им е потребна помош.
Толпа гневни луѓе го опколија локалниот новинар, насочувајќи ги своите фрустрации кон него.
„Немаме храна, немаме леб, зеленчук. Немаме ништо. Никој не дојде кај нас, немаме ништо. Имаме само Бог“, рече еден човек од толпата кој не сакаше да го каже своето име.
Од земјотресот таа со четирите деца живее до главниот селски пат.
Неговата куќа се уште стои, но сите ѕидови се тешко испукани и премногу се плашат да останат таму, јавува Би-Би-Си.
Успеале да се вратат и да донесат ќебиња на кои сега можат да спијат.
Додека камионот минуваше покрај толпата, некои луѓе се обидоа да го спречат, очајно надевајќи се дека носи залихи.
Новинарот кој беше во центарот на толпата беше придружуван од полицијата, додека сè уште го следеа луѓе очајни да го истурат гневот.
Некои велат дека добиле шатори од владата, но никаде ги нема доволно за сите луѓе на кои им е потребна.
„Немам средства да ја обновам куќата. Во моментов ни помагаат само локални жители“, се пожали Мбарка, една од многуте жени кои живеат во шаторот.
Пред земјотресот живеела во куќа со две ќерки, зет и три внуци.
Пред 2 часа бебето родено само неколку минути пред земјотресот морало итно да ја напушти болницата со мајка си.
Со нивното новороденче, Кадија и нејзиниот сопруг се обиделе да одат со такси рано во саботата до нивниот дом во Тадарт, во планините Атлас, на околу 65 километри од Маракеш.
Повеќе од две илјади мртви
Последните информации покажуваат дека бројот на загинати во земјотресот во Мароко се искачи на 2.122 лица, соопштија вчера вооружените сили на земјата.
Повредени се најмалку 2421 лице. Има предупредувања дека бројот на загинати би можел да продолжи да расте бидејќи спасувачите стигнуваат до оддалечените рурални области, пренесува Индекс.