Во дворот на кумановската Гимназија денеска беа одбележани 120 години од смртта на патронот Гоце Делчев и 77 години од основањето на оваа училиште.
Бројни делегации меѓу кои градоначалникот Максим Димитриевски, Советот на Општина Куманово, здруженија, политички партии и граѓани положија свежо цвеќе пред училишната биста.
– Ние за овој повод подготвивме убава програма од страна на нашите ученици, благодарност до оркестарот „Симфониум“ до нашиот колега Филип Петровски кој активно работи да го промовираме училиштето и исто така би се заблагодарила и на професроката Јасмина Денковска која неодамна заедно со нашите ученици и оркестарот се претставија многу успешно во Германија со проектот Еразмус плус. За нас веќе знае и Европа, изјави директорката Марија Тодоровска.
Освен што денеска училиштето одбележува 120 години од смррта на великанот Делчев, кумановската гимназија прославува и 77 години од отпочнување на воспитно – образовната дејност.
Училиштето е активно на многу меѓународни натпревари и создава генерации млади кои созреваат во многу успешни луѓе како во земјата, така и низ светот.
Никола Ивановски