Уште едно тело на дете е пронајдено утрово во урнатините на Днипро, со што вкупниот број на загинати во саботниот руски ракетен напад во источна Украина се искачи на 41, соопштија украинските власти.
„Загинаа вкупно 41 лице, меѓу кои четири деца, 79 лица се повредени, од кои 16 деца, а 39 луѓе се спасени“, објави Кирило Тимошенко, заменик началникот на кабинетот на претседателот на Украина на Telegram.
Спасувачките екипи утринава пронајдоа тело на дете во урнатините на повеќекатната зграда која викендов беше погодена од руските сили, соопштија украинските власти, пренесува Гардијан.
Украинските служби за итни случаи соопштија дека 25 лица се уште се водат за исчезнати по ракетниот напад на реките Днепар.
Русија постојано негираше дека целела цивили во Украина, и покрај доказите за растечкиот број на загинати меѓу населението, кој ОН го проценува на повеќе од 7.000, пишува британскиот весник.
Сите информации поврзани со најновите случувања со војната во Украина можете да ги прочитате ТУКА.