Американскиот министер за одбрана Лојд Остин ги предупреди африканските лидери против дестабилизирачката улога на Кина и Русија во Африка, за време на самитот во Вашингтон.
„Кога станува збор за Кина, забележуваме дека таа го проширува своето влијание на континентот секој ден… и не секогаш на транспарентен начин за она што го прави, а тоа би можело да има дестабилизирачки ефект, ако веќе не постои, додека Русија испраќа евтино оружје и платеници”, рече Лојд Остин на форумот во Вашингтон во присуство на неколку африкански претседатели.
Тој предупреди дека треба да се чува од комбинацијата на активностите на двете земји и додаде дека „јасно е дека нивното влијание може да биде дестабилизирачко“.
Шефот на Пентагон зборуваше на форум за безбедност на африканскиот континент на првиот ден од тридневниот самит меѓу САД и Африка во Вашингтон.
Речиси педесет африкански лидери учествуваат на самитот, втор ваков самит по оној организиран во 2014 година за време на претседателствувањето на Барак Обама.