Гласачите во американската сојузна држава Мичиген гласаа за правото на абортус да биде загарантирано со државниот устав, приклучувајќи им се на Калифорнија и Вермонт, кои претходно се одлучија на тој чекор.
Поддржувачите на правата на абортусот во Мичиген собраа повеќе потписи од која било претходна иницијатива за гласање во историјата на државата пред прашањето да излезе пред гласачите, објави АП.
Ова стави крај на забраната за абортус од 1931 година. Во САД, околу две третини од гласачите мислат дека абортусот треба да биде легален во повеќето или во сите случаи, според анкетата на АП на повеќе од 90.000 гласачи ширум земјата.
Се додава дека само еден од 10 испитаници смета дека абортусот треба да биде забранет и незаконски во сите случаи, пренесува Танјуг.