Во Центарот за култура „Трајко Прокопиев” вчеравечер балетското студио „Ултра“ од Куманово го одбележа 30-годишното успешно опстојување во сферата на модерните танци, поддржано од градоначалникот и Советот на Општина Куманово.
Заедно со Александра Димитриевска, која е основач и кореограф на ова Студио, бележат бројни настапи на фестивали и натпревари.
„Ултра” е единствено балетско студио во нашата држава, кое се закити со титулата светски првак во категоријата модерен балет за деца.
На јубилејниот концерт настапијадеца и младинци од ова студио, претставувајќи се со повеќе танцови стилови, кои ги негуваат и развиваат.
Учествуваа и шест танцови студија од целата држава: „Анабела”-Велес, „Денс студио“ – Гостивар, „Dancers United” – Скопје, „Магија”– Пробиштип, „Динамик” и „Fusion” од Куманово.