Турскиот министер за надворешни работи Мевлут Чавошоглу изјави денеска дека министрите за надворешни работи на Русија и Украина, Сергеј Лавров и Дмитриј Кулеба, би можеле повторно да се сретнат во Турција за една или две недели.
„Може да се одржи состанок на повисоко ниво, барем меѓу министрите, во рок од една или две недели“, изјави Чавушоглу за турската телевизија, додавајќи дека неговата земја сака да биде домаќин на состанокот „како искрен посредник“.
Рускиот заменик-министер за надворешни работи Андреј Руденко денеска изјави дека Русија добила сигнал од Турција за можноста за организирање нова средба меѓу Лавров и Кулеба.
„Тоа беше таков сигнал од Турците“, им рече Руденко на новинарите.
По повод најавената евакуација од Мариупол, Чавушоглу изјави дека Анкара предложила отворање на „два хуманитарни коридори, кон Русија и Украина“.
Каква е улогата на Роман Абрамович во преговарачкиот процес?
„Никој не треба да врши притисок врз цивилите да изберат коридор. Секој треба да оди каде што сака“, рече турскиот министер.
Руското Министерство за одбрана доцна синоќа соопшти дека денеска треба да започне локалниот прекин на огнот во пристаништето Мариупол со цел да се евакуираат цивилите.
„За да успее хуманитарната операција, предлагаме таа да биде спроведена со директно учество на претставници на Високиот комесаријат за бегалци на ОН и Меѓународниот комитет на Црвениот крст“, додаваат од руското министерство.
Каква е улогата на Роман Абрамович во преговарачкиот процес?
Украинската страна изјави дека е подготвена да испрати 45 автобуси на евакуација од Мариупол.