Барање за прием во „Слободни ѕидари“ може да поднесе секој. Членовите на организацијата веруваат во „вистината, толеранцијата, почитта и слободата“.
Некогаш членовите биле исклучиво бели, а денес можат да се приклучат луѓе од сите националности и раси. Жените, во теорија, сè уште не можат да станат членови, но во пракса многу модерни ложи сè уште ги прифаќаат.
Иако хиерархијата е сè уште тајна, повеќето експерти веруваат дека организацијата има 33 степени. Кога влегуваат во организацијата, новите членови стануваат чираци, а потоа можат да напредуваат сè до Големиот мајстор.
„Бизнис инсајдер“ објави список на некои од најважните луѓе во историјата кои биле масони:
Бенџамин Франклин – Ложа Свети Јован, Филаделфија
Бенџамин Френклин станал член на Ложата на Свети Јован во Филаделфија во 1730 година и бил активен во неа повеќе од 50 години. Во 1734 година ја извршувал функцијата Голем мајстор на Пенсилванија.
Тој ја отпечатил првата масонска публикација „Уставот на масонеријата“ во американските колонии. Таа е една од најретките книги во светот (има само 20 примероци за кои е потврдено дека се автентични). Членството во Редот не влијаело на неговата улога како пронаоѓач и еден од „татковците-основачи“ на Соединетите Американски Држави.
Џорџ Вашингтон – Ложа Фредериксбург, Вирџинија
По неговата иницијација во 1752 година во Ложата на Фредериксбург во Вирџинија, првиот претседател на Соединетите Американски Држави негувал силни врски со масоните.
Познато е дека, за време на поставувањето на камен-темелникот на американскиот Капитол во 1793 година, тој извршил масонски ритуали на тоа место.
Тој бил член на ложата сè до неговата смрт и по барање на неговата вдовица бил погребан во согласност со масонските обреди. Многу масони, како и членови на Орденот на витешкиот ред Темплари, го посетиле неговиот гроб како аџилак.
Волтер – Ложа на деветте сестри, Франција
Франсоа-Мари Аруе е далеку попознат како Волтер. Откако се приклучил на Ложата на деветте сестри во 1778 година, тој напишал многу важни книги, вклучувајќи ги „Кандида“ и „Филозофскиот речник“. Идеите презентирани во овие книги значително влијаеле на Просветителството и Француската револуција.
Ложата на деветте сестри е делумно основана од Бенџамин Френклин, кој подоцна го убедил Волтер да и се придружи. Двајцата биле блиски пријатели цел живот.
Волфганг Амадеус Моцарт – Ложа „Добротворност“, Австрија
Австрискиот композитор и син на масон, композиторот Волфганг Амадеус Моцарт создал серија на масонски музички парчиња во текот на неговата кариера. Тој се приклучил на масонската ложа „Добротворност“ во Австрија во 1784 година.
Многу познати музичари биле масони. Франц Јозеф Хајдн и Моцарт биле во иста ложа, додека Јохан Кристијан Бах им се придружи на масоните во Лондон.
Марк Твен – Ложа „Поларна Sвезда“ број 79, Сент Луис
Многу попознат како Марк Твен, Семјуел Клеменс станал член на Ложа на Поларната Sвезда бр. 79 во Сент Луис во 1861 година. Само неколку месеци подоцна, тој достигнал ранг на мајстор.
Во романот „Заговор на Том Соер“, како и во многу други негови дела, Твен ги промовира масоните опишувајќи важни личности на локалната заедница како членови на општеството.
Винстон Черчил – Ложа „Јунајтед Стадхолм“ 1591, Англија
Винстон Черчил, кој бил британски премиер во два наврати, се приклучил на англиските масони во 1901 година.
Иако во историјата на неговото семејство имало многу масони, а тој имал и многу пријатели кои биле масони, активноста на Черчил во општеството била попристојна. Забележани се само два случаи на присуство на масонски состаноци и напуштање на ложата во 1912 година.
Хари Труман, Ложа Белтон, Мисури
По иницијацијата во 1909 година, Труман напредувал брзо во масонската хиерархија и од 1940 до 1941 година бил Голем мајстор на Големата ложа на Мисури. Во 1945 година, истата година кога тој ја презел функцијата претседател, организацијата му доделила ранг на масон од 33-ти степен на шкотскиот поредок.
Труман го опишал она што му значеле масоните во едно писмо до неговата сопруга во 1939 година.
– Масонството е систем на морални принципи кои го олеснуваат животот со другите, без разлика дали тие го разбираат или не – напиша тој.
Симон Боливар – Ложа „Лаутаро“, Шпанија
Јужноамериканскиот ослободител и политички лидер Симон Боливар ја водел големата борба за независност од Шпанската империја. Тој бил примен во редот во 1803 година во масонската ложа „Лаутаро“, во Кадиз. Во април 1824 година, тој бил одликуван со највисок ранг во хиерархијата на масоните.
Иако мнозинството може да смета дека е контрадикторно да се дејствува револуционерно со една од главните цели на масоните – миротворството, се верува дека Боливар дошол на идеја да се бори за независност на еден од состаноците на масоните, каде се сретнал со други борци за независност на земјите од Јужна Америка.
Александар Флеминг – Ложа на Света Марија, Англија
По церемонијата на иницијација во 1909 година, шкотскиот биолог Александар Флеминг го открил лекувачкото својство пеницилинот, еден од најчесто користените антибиотици денес. Тој станал господар на ложата во 1924 година, а добил Нобелова награда во 1945 година.
Џон Едгар Хувер – Федерална ложа број 1, Вашингтон
Џон Едгар Хувер, попознат директор на Федералното биро за истраги на САД (ФБИ), бил активен масон. Во 1920 година, тој станал член на Сојузната ложа Вашингтон број 1, на 25-годишна возраст се здобил со чин мастер-масон, а во 1955 година бил масон од највисок ред.
Во 1965 година го добил и Големиот крст на честа, највисоко признание за Шкотскиот ред.