Земјотрес со јачина од 4,2 степени според Рихтеровата скала го погоди подрачјето на јужна Грција утрово во 6:13 часот.
Според податоците од Европско-медитеранскиот сеизмолошки центар (EMSC), епицентарот на земјотресот бил во близина на градот Гитио, на полуостровот Пелопонез, додека жариштето е регистрирано на длабочина од околу пет километри.
Засега нема информации за евентуална материјална штета или повредени.
Надлежните служби го следат развојот на ситуацијата и во моментов не се пријавени посериозни последици од земјотресот.