Украинскиот претседател Володимир Зеленски објави неколку фотографии од Лиман, стратешки важен град кој неодамна беше ослободен од украинските сили.
„Нашиот Лиман по заминувањето на окупаторите… Сè што е потребно за живот овде е уништено. Тоа го прават насекаде на териториите што ги окупираат. Тоа може да се запре само на еден начин: со ослободување на Украина. Ни треба живот, хуманоста, правото и вистината, што е можно поскоро“, објави Зеленски.
За потсетување, руските сили се повлекоа во текот на викендот од Лиман, град во источниот регион Доњецк.
Тој потег означи уште еден триумф на украинската контраофанзива на истокот.
Но, фотографиите што ги објави Зеленски, како и другите фотографии и видеа кои доаѓаат од Лиман, покажуваат град кој е во голема мера уништен.
Our Lyman after the occupier… All basics of life have been destroyed here. They are doing so everywhere in the territories they seize. This can be stopped in 1 way only: liberate Ukraine, life, humanity, law and truth as soon as possible. pic.twitter.com/WInSrmQxsA
— Володимир Зеленський (@ZelenskyyUa) October 5, 2022