Војниците на КФОР на Украина се подготвени да се вратат дома по наредбата на украинскиот претседател Володимир Зеленски за итно повлекување на сите припадници на вооружените сили на земјата од мировните мисии ширум светот, објави Балканската безбедносна мрежа (ББМ).
Зеленски издаде наредба за враќање на украинските мировници на 7-ми март, но командата на Меѓународната мировна мисија на Косово (КФОР) потоа објави дека украинските трупи ќе останат во Косово.
Мрежата на својата веб-страница balkansec.net, повикувајќи се на приштинските медиуми на албански јазик, објави дека неименуван офицер на КФОР изјавил дека украинскиот контингент ќе ја продолжи својата мисија на Косово.
По неколку недели одложувања, „тешката ситуација за украинската армија го направи бесмислено да ги држи воено обучените луѓе надвор од земјата“, соопшти ББМ.
Како ќе се реализира повлекувањето?
Откако стана извесно дека украинските војници сепак ќе ги напуштат меѓународните сили на Косово, се постави прашањето како ќе се реализира повлекувањето – со борбена опрема и теренски возила за Полска или Романија или со авион, без тешка опрема и возила?
Мрежата ББМ наведува дека украинските војници во КФОР користат модифицирани возила Хамви од американската донација, претворени во фабриката за поправка на машини во украинскиот град Лавов.
Станува збор за теренци M1097A со кабина за двајца членови на екипажот и товарен простор за уште осум лица.
Тие се заштитени со оклопни плочи за противпешадиска муниција, тешки 1,2 тони и вооружени со митралез од 12,7 милиметри на покрив кој се ротира во цел круг.
40 украински војници се стационирани во базата на КФОР Бондстил кај Феризај, а оперативно се ангажирани во источниот дел на Косово.