Лидерот на израелската опозиција Јаир Лапид го повика премиерот Бенјамин Нетанјаху да поднесе оставка „веднаш“ без да се чека крајот на војната против палестинската милитантна група Хамас.
„Нетанјаху треба веднаш да замине… Ни требаат промени, Нетанјаху не може да остане премиер“, рече Лапид во интервју за израелскиот канал N12 во средата.
„Не можеме да си дозволиме да водиме долготрајна војна под премиер кој ја загуби довербата на народот“, додаде тој.
Четири дена по ненадејниот напад на Хамас врз Израел на 7 октомври, Нетанјаху и уште еден опозициски лидер, Бени Ганц, објавија договор за формирање „вонредна влада“ за време на војната.
Лапид потоа рече дека нема да се приклучи, обвинувајќи ги израелските лидери за „непоправлив неуспех“ да го спречат нападот.
Сепак, Лапид, кој ја предводеше израелската коалициска влада пред Нетанјаху да ја врати власта на изборите минатата година, досега не побарал оставка на премиерот од почетокот на конфликтот, јавуваат израелските медиуми.
Во интервју за N12, Лапид не повика на предвремени избори, туку за гласање недоверба на парламентот што ќе овозможи формирање на нова влада со која ќе претседава друг член на партијата Ликуд на Нетанјаху.
🚨BREAKING: ISRAELI OPPOSITION LEADER YAIR LAPID: “Netanyahu must go home now.”
Source: Israeli Media https://t.co/kjDgWCNujr pic.twitter.com/I01rRFELyH
— Mario Nawfal (@MarioNawfal) November 15, 2023