Претседателот на Медеф, водечката француска организација на работодавачи, Патрик Мартин, оцени дека „стотици илјади работни места“ во Франција се потенцијално загрозени од царинските мерки што ги најави Доналд Трамп, но се надева дека американскиот претседател ќе биде „одвратен“ да ги применува.
Зголемувањето на царините ќе влијае на бруто домашниот производ (БДП) на Франција, ќе се закани на стотици илјади работни места и ќе ги помести цели синџири во воздухопловната или автомобилската индустрија, рече Мартин.
„Овие мерки, доколку се спроведат, ќе бидат крајно нарушувачки за Франција и Европа и ќе бараат силни реакции“, рече Мартин по средбата во Елисејската палата со францускиот претседател Емануел Макрон, неколку министри и претставници на повеќе економски сектори.
Мартен оцени дека Франција треба да биде „многу цврста и многу прагматична“ и додаде дека е неопходно колку што е можно да се разубеди администрацијата на Трамп.
САД се четврти најголем извозен пазар во Франција, зад Германија, Италија и Белгија.
Меѓу најекспонираните сектори е аеронаутиката, со девет милијарди евра во 2024 година, што претставува една петтина од францускиот извоз во САД, проследено со луксузни стоки и алкохолни пијалоци, особено коњак.