Времето денеска низ Македонија ќе биде променливо облачно со повремени врнежи од дожд, пообилни во источните делови (над 15 l/m 2 ).
Ќе дува слаб до умерен ветер од северен правец, информираат од Управата за хидрометеоролошки работи.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Куманово и околината денеска ќе имаме облачно време со врнежи од дожд.
Ќе дува слаб до умерен ветер од северен и североисточен правец.
Утринската температура ќе се движи околу пет степени, додека максималната дневна се очекува да достигне 13 степени целзиусови.
Од страна на УХМР за регионот на Куманово е издадено жолто предупредување за опасност од дожд.
Утре низ кумановско во текот на денот ќе имаме променливо облачно време со услови и за сончеви периоди.
Ќе дува слаб до умерен ветер од северен правец.
Температурата во утринските часови ќе се движи околу петиот степен, а максималната дневна ќе се искачи до 17 степени целзиусови. Во вечерните часови повторно се очекуваат врнежи од дожд.
Во недела ќе имаме облачно време со врнежи од дожд.
Ќе дува умерен до засилен ветер од северен и североисточен правец, кој на моменти ќе надминува 40 километри на час.
Утринската температура ќе се спушти еден степен под нулата, а максималната дневна ќе достигне шест степени целзиусови.
Од понеделник се очекува врнежите да престануваат, но температурите ќе останат ниски, особенов о утринските часови кога ќе бидат и во негатива.
Никола Ивановски