Ватикан ги истражува наводите за „секс забава“ во британската катедрала во Њукасл, која наводно се одржала за време на карантинот за пандемијата „Ковид-19“, објави Гардијан.
Како дел од истрагата за околностите под кои Роберт Бирн поднесе оставка како бискуп на Хексам и Њукасл, Римокатоличката црква ги истражува тврдењата дека еден од нејзините свештеници поканил верници на приватна забава во неговите одаи.
Како што пишува Гардијан, неколку луѓе наводно се пожалиле дека отец Мајкл Мекој, ѓакон на катедралата во Њукасл, ги поканил на собири кога не им било дозволено поради заклучувањето.
Неименуван извор изјави за The Sunday Times дека голем број поплаки биле поднесени како дел од извештаите за секс забава што се одржала во одаите на свештеникот во катедралата.
Мекој (57) се самоуби во 2021 година, четири дена откако дозна дека е баран од полицијата во Нортамбрија, која работи на заштита на децата и возрасните од сексуална злоупотреба.
Мекој беше назначен од Бирн во 2019 година.
Иако нема сугестии дека Бирн присуствувал на секс забавата, тој поднесе оставка како бискуп во декември, велејќи дека верниците „станале преголем товар“.
Во писмото до свештенството, тој рече дека неговата „разумност го навела да сфати дека сега се чувствува неспособен да продолжи да и служи на епархијата на начинот на кој тој би сакал“.